TCyhoeddodd yr Awdurdod Gweithredol ar Iechyd a Diogelwch (HSE) gyfarwyddyd newydd ar reoli risg yn ystod yr haf yn 2006.  Roedd y cyfarwyddyd yn cynnwys y cyngor canlynol ynghylch ‘rheoli risgiau yn synhwyrol’ a chyngor hefyd ar sut i gynnal asesiad risg a llunio mesurau rheoli.

Mae Rheoli risg yn synhwyrol YN ymwneud â:

• sicrhau bod gweithwyr ac aelodau’r cyhoedd yn cael eu diogelu’n briodol;
• darparu budd cyffredinol i gymdeithas trwy gydbwyso buddiannau a risgiau, gan ganolbwyntio ar leihau’r gwir risgiau – y rhai hynny sy’n amlygu eu hunain yn aml a’r rhai sydd â chanlyniadau difrifol;
• hwyluso arloesi a dysgu, nid rhwystro hynny;
• sicrhau bod y rhai sy’n creu’r risgiau yn eu rheoli;
• hwyluso unigolion i ddeall bod ganddyn nhw hawl i ymarfer cyfrifoldeb yn ogystal â bod â hawl i gael eu diogelu.

NID YW Rheoli risg yn synhwyrol yn ymwneud â:

• chreu cymdeithas sy’n gyfan gwbl rydd o risgiau;
• cynhyrchu mynyddoedd o waith papur diwerth;
• dychryn pobl trwy orliwio risgiau bychan neu roi cyhoeddusrwydd iddyn nhw;
• rhwystro gweithgareddau addysgol a gweithgareddau hamdden pwysig i unigolion lle mae’r risgiau’n cael eu rheoli;
• lleihau diogelu pobl rhag risgiau sy’n achosi gwir niwed a dioddef.

Gwelwch Gronfa ddata ar Asesu Risg ar gyfer gweithgareddau mewn ysgolion  yn RAS3A a Chronfa ddata ar gyfer Gweithgareddau oddi ar safle yn RAS3. Mae cyfarwyddyd ar asesu risgiau wedi’i gynnwys yn RAS1 ac mae 'sut i wneud hynny' yn RAS2A.

Er mwyn gweld cyfarwyddyd yr Awdurdod Gweithredol ar Iechyd a Diogelwch yn llawn ewch i wefan HSE ar www.hse.gov/pubns

Ionawr 2007